Linux Operating System kya hai?

Dosto, bahut saare logo ke man me Linux ko lekar bahut saare savaal hote hai. Ke ye kya hai kya, ye operating system hai ya ye kaise kaam karta hai. Linux or windows me kya antar hai. To mai aapke iske bare me poori jankari dene vala hu.

Linux kya hota hai (What is linux)

To sabse phale mai aapko bata du ki chahe linux ho ya fir windows7,8,9 ho ye sab aapas me kuch haad tak same hai. kyuki ye sab operating system hai. To sabse phale ye samajh lete hai ki operating system hota kya hai.

Operating System (OS) kya hota hai

Aap jab bhi computer ya laptop kholte hai or kisi bhi application ko istmal karna chalu kar dete hai. Maan lejiye aapne vlc media player ko open kia or aapne usme koi ek video dek li. Lekin aapne jo bhi click kare or uske bad jo bhi activity hui vo sab kuch Operating System system ne kia. Operating System ka kaam hota hai poore computer ko manage karna. Jis bhi application ko job hi chaiye vo sab cheese provide karna ye sab kaam os karta hai. Ab agar mai aapse baat karu purane zamane ki jub hum computer ko micro computer bolte the us time OS tha hi nahi.

Ab aap soch rahe honge ki jb OS hi nahi tha to computers ko kaise istmal karte honge. Us time agar kuch kam karna hai to jaise maan lo ke aapko koi game khelna hai. To phale aapko coading karni hogi tabhi aap us game ko khel payoge. Or vo coading hi os ka kaam karti thi or dusri baat ye ki aap us coading ko copy bhi nahi kar sakte. Kyuki hardware alag alag hone ki vajhe se vo coding dusre computer me nahi chalegi. Uske bad ek naya os aaya jiska naam tha CPM. Or us time pe ek ladka tha jisne coading karke ek or naya os nikala jiska nam tha DOS. Or us ladke ka nam tha bill gates uske bad unhone tarha tarha ke windows ke version nikale jiski madad se vo duniya ke sabse amir insane ban gay.

Linux kha se aaya

Ab aap soch rahe honge ki window to badi hi simple se cheez hai lekin Ye linux bech me kha se aa gaya. Linux bech me isliye aaya kyuki windows me aapko poori freedom nahi milti. Windows me aap apni marzi ke anusar kuch nhi kar sakte. Mere khane ka matlab hai ke maan lo agar aapko windows me koi software install karna hai. To jab aap software ko install karenge to vo software windows se permission lega. Or agar windows ne use permission nhi di to vo kisi bhi halat me install nahi hoga. Agar aapne use kisi tarha install kar bhi lia to vo illegal mana gayega. Kyuki aapne use zabardasti install kia hai or aapne niyamo ka ullanghan kia hai.

Isi ko dekhte hue kuch developers ne socha ki kyu na hum apna khud ka OS bana le. Jisme hum sab kuch apni marzi se kar sake or hame kisi ki bhi rook took na ho. Tab linux operating system ko banaya gaya. Year 1991 me Linus Torvalds ne linux banaya tha. Or ab ye poori duniya me muft me available hai. Yaha pe mai ek baat or bata du ki jo aaj kal hum phone me google ka os android ko istmal karte hai vo bhi linux ka hi ek roop hai. Linux bahut saare variant me available hai jisme se popular hai – UBANTO, MINT, FEDORA, KALI LINUX

Linux ki sabse khaas baat ye hai ki aap ise kisi bhi system par install kar sakte hai chahe vo kitna bhi purana ho or usko badi hi aasani se istmal kar sakte hai lekin aap windows ke sath aaise nahi kar sakte

Windows or linux me difference

WINDOWS

 

LINUX

 

Windows ko chalane ke liye aapko sabse phale use kharida padega

 

Ye ek dum free hai isko istmal karne ke liye aapko ek bhi paisa nahi dena padega
agar aap windows ka istmal karte hai to shyd hi koi aaisa hoga jo antivirus ka istmal nahi karta hoga kyuki windows me antivirus ka hona bahut hi zaruri hai or uske liye aapko kaafi paise bhi kharch karne padenge Lekin dusri oor baat ki jaye linux ki to isme antivirus ki koi zarurat nahi hoti or isme data kaafi had tak surakshit ratha hai
Windows ko chalane ke liye system zyda purana nahi hona chaiye Isko purane se purane system par chalaya ja sakta hai
Windows me kaam aata hai hybrid kernel isme me kaam aata hai monolithic kernel

 


LINUX KE FAYDE

  • Linux ek multiuser operating system hai iska matlab hai ki isme kabhi bhi ek se zyda user kam kar sakte hai or apni zarurat ke anusar koi bhi program chala sakte hai
  • Me ek apache naam ka web server program available hai jiski madad se web page aasani se tyar kiya ja sakta hai
  • Jo kaam aap windows me karte hai vo sabhi kaam aasani se linux me kar payenge
  • Iska ka koi bhi office nahi hai or iska koi bhi malik nahi hai or ye duniya bhar me bahut hi popular hai
  • Ye OS samaye se sath sath dheema nahi hota balki windows samaye ke sath sath dheera hota chala jata hai

LINUX KE NUKSAN

  • Linux me kaafi saare aaise program hai jinko istmal nahi kiya ja sakta jaise microsoft office, internet explorer etc.
  • Isko istmal karne se phale seekhna padega kyuki iska interface windows se bahut hi alag hai or aapko aaisa lagega ki icons ajib hai

Mai ummid karta hu ke mere dwara likha gaya article Linux Operating System kya hai aapko accha lega hoga. Or aapke liye labhdayak raha hoga agar agar aap kuch batana chahate hai ya kuch puchna chahate hai. To aap niche comment box me comment kar sakte hai.

GO TECH GYAAN

RAHUL, में इस वेबसाइट का फाउंडर हुँ और ये वेबसाइट मैंने लोगो की मदद के लिए बनाई है जो की बिलकुल मुफ्त है | मेरी टेक्नोलॉजी में बहुत ही ज़्यदा रूचि है और जो भी कुछ नया आता है मैं उसे कही न कही से ढूंढने की कोशिश करता रहता हुँ | मैं New Delhi का रहने वाला हुँ | में अपनी पूरी कोशिश करूँगा इस वेबसाइट को बेहतर से बेहतर बनने की और आप लोगो के साथ ज़्यदा से ज़्यदा ज्ञान बांटने की |

3 thoughts on “Linux Operating System kya hai?

Leave a Reply

Your email address will not be published. Required fields are marked *